Yoxsa sadəcə “İnam”la kifayətlənirik?
Çoxları bu sual üzərində düşünür: Allah həqiqətən varmı? Onun varlığını ağla və məntiqə əsaslanaraq anlamaq mümkündürmü? Axı heç kim Allahı birbaşa görməyib. Ola bilərmi ki, Allah anlayışı sadəcə insan zehninin yaratdığı psixoloji bir təsəvvürdür? Ancaq bu sualın cavabı təsadüfi deyil, çünki Allahın varlığına münasibətimiz — kim olduğumuzu, gələcəyimizi və həyatın mənasını necə dərk etdiyimizi birbaşa formalaşdırır. Bu səbəbdən də bu məsələni araşdırmaq, üzərində düşünmək olduqca vacibdir. Allahın var olub-olmadığını obyektiv və məntiqli şəkildə dəyərləndirmək üçün, əsasən üç əsas və ağlabatan sübutlar toplusuna istinad etmək olar.
Sübut 1. Elmi sübutlar və Yaradanın izləri
Sən və mən varıq — və özümüzü heyrətamiz şəkildə yaradılmış, bir-birinə bağlı müxtəlif canlılarla dolu bir dünyada tapırıq. Bu həyat formaları sanki bir-birini tamamlayan mexanizmin hissələri kimi dəqiqliklə qurulub və ahəng içində fəaliyyət göstərir.
İnsan genomunu ilk dəfə tam olaraq ardıcıllıqla oxuyan tədqiqat qrupunun rəhbəri DNT-ni belə təsvir etmişdi:
“İlkin təxmin kimi, DNT-ni bir təlimat skripti, proqram təminatı kimi düşünmək olar… minlərlə kod hərfindən ibarət bir proqram…
Francis Collins, Allahın Dili, 2006, səh. 102-103
Bəs proqram əslində necə ‘işləyir’? … Fabrikdə [ribosom] yerləşən inkişaf etmiş tərcüməçilər qrupu sonra … bu molekuldakı məlumatı xüsusi bir zülala çevirir.
Eyni mənbə, səh. 104
Bunun başqa bir izahı dil metaforasını düşünməkdi… Bu sözlər [zülallar] mürəkkəb ədəbi əsərlər yaratmaq üçün istifadə oluna bilər…
Eyni mənbə, səhifə 125
‘Proqram təminatı’, ‘fabriklər’ və ‘dillər’ yalnız ağıllı varlıqlar tərəfindən yaradılır. Buna görə də, mənəvi olaraq ən əsas və ən inandırıcı izah budur ki, biz Ağıllı Dizayner — Allah — tərəfindən yaradılmışıq. Bu mövzunu burada daha dərindən araşdırırıq və eyni zamanda biologiyanın mürəkkəbliyini yalnız təbii proseslərlə, yəni ağıl olmadan izah etməyə çalışan Təkamül Nəzəriyyəsi ilə müqayisə edirik.
Sübut 2: Tarixi baxımdan İsa Məsihin dirilməsi faktı
Ölüm bütün insan həyatının qaçınılmaz sonudur. Təbiətimizin sistemləri, nə qədər mükəmməl dizayn olunmuş olsa da, zamanla dağılır və zəifləyir. Lakin İsa Məsihin ölümündən dirilməsi ilə bağlı çox güclü tarixi sübutlar mövcuddur. Əgər bu həqiqətdirsə, ən məntiqli izah təbiəti aşan bir Üstün Gücün — yəni İlahi Gücün — varlığını göstərir. Dirilmə hadisəsini diqqətlə araşdır və özün üçün qərar ver: İsa həqiqətən ölümündən dirildimi? Əgər belədirsə, bu, dünyada mövcud olan Üstün, İlahi Gücün sübutudur.
Sübut 3: İsa peyğəmbərin gələcək haqqında verdiyi vədlər İlahi bir planın mövcudluğunu və bu planı həyata keçirən Müdrik Ağılı göstərir.
İsanın həyatında baş verən çoxsaylı hadisələr, onun dünyaya gəlməsindən yüzlərlə il əvvəl müxtəlif yollarla — həm sözlə, həm də hadisələrlə — öncədən bildirilmişdir. Bu peyğəmbərliklərin dəqiq yerinə yetməsi hadisələri yönəldən bir Ağıllın mövcudluğunu göstərir. Lakin bu hadisələr arasında yüz illərlə zaman fərqi olduğundan və heç bir insan zehninin gələcəyi bu qədər uzaqdan görə bilməməsi səbəbindən, bu zaman və məkan sərhədlərini aşan bir Ağıllın varlığına işarə edir. Peyğəmbərliklərin mürəkkəbliyini və müxtəlifliyini diqqətlə araşdır və özünə sual ver: Bunlar başqa necə açıqlana bilər ki, hər şeyi bilən, Öz Planını bildirən və həyata keçirən bir Ağıllın işi olmasın? Əgər belədirsə, insan həyatını bu cür istiqamətləndirə bilən bu Ağıll mütləq mövcuddur. İndi isə araşdırmaq üçün bəzi konkret nümunələrə nəzər salaq.
- İbrahim peyğəmbərin, İsanın çarmıxa çəkiləcəyi yeri 2000 il əvvəl qabaqcadan göstərməsi
- Musa peyğəmbərin İsanın çarmıxa çəkildiyi günü 1500 il əvvəl qabaqcadan göstərməsi
- Davud peyğəmbərin İsanın çarmıxa çəkilmə təfərrüatlarını 1000 il əvvəl qabaqcadan göstərməsi
- Yeşaya peyğəmbərin İsanın çarmıxa çəkilmə təfərrüatlarını 700 il əvvəl qabaqcadan göstərməsi
- Daniyelin İsanın çarmıxa çəkilmə tarixini 550 il əvvəl qabaqcadan göstərməsi
- Zəkəriyyənin onun adını 500 il əvvəl qabaqcadan görməsi